O grupo EQ10 experimentou unha importantísima mellora no tócante ás súas instalacións no ano 2017, xa que este ano mudamos o laboratorio de investigación do grupo EQ10 para un novo laboratorio de 65 metros cadrados situado no novo “Centro de Investigación en Tecnoloxías, Enerxías e Procesos Industriais (Cintecx)” onde se moveron os principais grupos de investigación do ámbito tecnolóxico da Universidade de Vigo. Nun concurso de méritos realizado pola Universidade de Vigo, asignouse espazo deste novo edificio ós grupos con maior produción científica e de transferencia, resultando beneficiado neste concurso o grupo EQ10 con un laboratorio de 65 metros cadrados completamente equipado e dotado cos todos os requirimentos técnicos solicitados previamente polo grupo: cabinas de extracción de gases, mobiliario técnico adecuado (mesas antivibratorias, etc.), liñas de baleiro, aire comprimido e diferentes gases (helio, argon, nitróxeno, osixeno, etc.). A este novo laboratorio trasladamos a maior parte do equipamento científico que tiña o grupo EQ10, deixando tan so no antigo laboratorio da Escola de Enxeñería Industrial, aquel equipamento mais voluminoso e que non precisa un control permanente do persoal investigador, como poden ser os liofilizadores ou os equipos de refrixeración e conxelación.
A infraestrutura da que dispón o grupo EQ10 na actualidade é a seguinte:
- Cromatógrafo de Líquidos, con detectores de DAD, Fluorescencia e Índice de Refracción.
- Espectrofotómetro UV/Vis de dobre haz e con sistema multicelda termostatizada.
- Lector de microplacas Multiskan FC con incubador
- Tensiómetro dixital semiautomático.
- Viscosímetro dixital programable Brookfield, versión LV para baixas viscosidades.
- Rotavapor con bomba de membranas e sistema automático de control de baleiro.
- Biorreactor con control de axitación, pH, temperatura e osíxeno disolto.
- Centrifuga refrixerada.
- Cabina de fluxo laminar.
- Axitador orbital.
- Autoclaves.
- Incubadores refrixerados e estufas.
- Homoxeneizador Ultraturrax.
- Liofillizador Telstar LyoQest -85ºC
- Ultraconxelador de -86ºC Thermo serie 900.
- Equipos de refrixeración e conxelación.
- Pequeno equipamento, material de vidro e material funxible de uso común nun laborato-rio.